ATX gara

Atx Teatroa Bilbon sortu zan 2010ean.

Euskal antzerkia egiten dogu, gure hizkuntzan, gure herrian eta gure egungo gizartearentzat. Eguneroko euskal jarduereak soilik, euskal kulturea dakar; eta euskal kultureak soilik, geure buruak begiratzeko ispilu bat.

Kulturearen balorea gainbeheran doan mundu globalizadu honetan, kulturearen zentzua, beharrizana eta erabilgarritasuna mahai ganean jarri gura doguz.

Edertasun eta perfektuen mundu honetan, ilunean dagoana kanporatu nahi dogu. Mundu distopikoak, arrarotasunak, minak, iluntasunak, zatarrak, zikina… argira atara ikusleek gurekin batera atx egin daien.

ATX (OROTARIKO EUSKAL HIZTEGIA)

atx. v. haitz.

  1. haitz
  2. iz. Harrizko masa handi samarra, lurraren gainetik edo ur-bazterrean goititzen dena. Ik. harkaitz; arroka. Mendiaren gainean ikusten ziren haitzetara. Haitz lerroa. Haitz arrainak. Haitz gain batean. Basahuntza haitzetik haitzera jauzika ibili ohi den bezala. Haitzez haitz eta amildegiz amildegi. || Esr. zah.: Emaitzak hausten ditu haitzak. Haitzean jaioak haitzera nahi.
ATX (EUSKALTZAINDIAREN HIZTEGIA)
  1. atx interj. Mina, ezustea edo nahigabea adierazteko hitza.
  2. atx egin. Intziri egin; kexatu.

Harria. Gogortasuna. Primitibotasuna. Hotz. Mina. Kexa. Nortasuna. Iraunkortasuna. Eta dan-danek balio deuskue.

Oinarrizkoa, instintua, sena… kanpora atera nahi doguz. Benetan inportantea dana, benetan gure sustraiak dagozan lekua, apaingarri barik, kutsadura barik… Atx hareetatik be, tresnak sortzen dira, bizirauteko erremintak, oinarrizko premiak asetzeko baliabideak… Ez dago atxak bezain primitiboa dan beste ezer, ezta horrenbeste tresna, babesleku eta baliabide emoten dauazan beste ezer be.

2010etik arrautzak frijiduten!

ATX osatzen dogu

Naia Muñoz Murua

BANAKETA MEDIAZIOA EKOIZPENA KOMUNIKAZIOA

Bilbon jaio nintzan 1987an. EHUn Ikus-entzunezkoen Komunikazioan lizentziatua naz eta Irakasleen Formakuntza Masterra daukat Arte plastiko eta bisualetan.

Strasbourg-en eta Tenerifen urte pare bat bizi izan nintzan. Bilbora bueltan, hasiera batean ikus-entzunezko sektorean lan egin neban proiektu eta konpainia ezberdinetan. 2014ean arte-eszenikoen munduan hasi nintzan, kasualidade edo kausalidadez, eta unibertso horretaz maitemindu nintzan. Handik hona antzerki eta zirku konpainia eta proiektu ezberdinetan ibili izan naz komunikazioa, ekoizpena, banaketa eta kultur-kudeaketan. Taula gainean ez ezik, ia danetarik egin dot!

Iñaki 2015eko abenduan ezagutu neban, komunean daukagun norbaitek harremanetan jarri euskun eta Someran gelditu ginan. Bihotz Salataria ikuskizuna prestatzen egoan bera, eta atzazkola luze eta bizar oso freaki batekin agertu zan. Hor hasi zan gure maitATXun istorioa.

banaketea@atxteatroa.eus

+ 34 657 712 844

Iñaki Ziarrusta Hernáez

LAN ARTISTIKOA EKOIZPENA ESZENOGRAFIAK

1993an hasi nintzan antzerkian, institutu sasoian; oso gauza arraroak egiten genduzen, baina pasau? ederto pasetan genduen.

1994an Bilboko Gaitzerdi Teatro konpainian sartu nintzan, eta bertan 17 urtez jardun neban formakuntza autodidaktea eta mota guztietako ikuskizunak egiten; euskaraz, espainolez, testubakoak, kalean, antzokietan, bide bazterretan, iturri askoren barruan, tabernetan, gaztetxetan, frontoietan (zelan ez!) etab…

17 urte hareetan danetatik ezagutu neban, gauza onak eta hain onak be bai, amateurismoa, militantzia, diziplina, entrenamendu intentsiboa, horizontaltasuna, ogibide prekarioa, bakardadea, talde-dinamikea, munduan barrena bidaia amaibakoak, autopistak, gasolindegiak, jaialdi ederrak, pertsona ederragoak, tira, 17 urtek bizitza osoa egiteko beste emoten dabe.

2010ean Atx Teatroa sortu neban, suerte apur bategaz maite dodan artea, jendea eta proiektua aurrera eroaten hilko naz, holan bedi.

atxteatroa@atxteatroa.eus

+34 638 324 105

Eskeintzen dogu

ATX Teatroa antzerki konpainia bat baino gehiago da. Ikuskizunak sortzeaz gain, bestelako zerbitzuak be eskaintzen deutseguz beste konpainia eta eragileei.